Artêşa tirke ya îşxalkere hêrişê hêzanê gerîlayan kena ke rîyê erdlerzî ra çalakîyê xo yê leşkerî vindarnayî. Îşxalkeran bi desan rey pê têyarayanê şerî, helîkopteranê hêrişî, tanq, obus, çekanê giranan û bi çekanê qedexeyan û fosforî hêriş kerd.
Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye û nê vatî:
''Artêşa tirke ya îşxalkere pê bombayanê qedexeyan û fosforî hêrişê hêzanê ma kena ke rîyê erdlerzî ra çalakîyê xo yê leşkerî vindarnayî. Gerîlayê Azadîye yê Kurdîstanî çarçeweya pawitişê meşrûyî de cewabê hêrişan danê. Detayê hêrişan wina yê;
Herêma Zapî de;
24ê sibate de îşxalkeranê ke hêrişê mewzîyanê xoverdayîşî yê herêma Çemço û dewa Sîda yê bajarekê Şêladizê yê Amedîyê kerd, hetê hêzanê ma ra seba ke xo bipawê bi taktîkÊ sabotajî ameyî pirodayene. 25ê sibate de îşxalkeran reyna hêrişê mewzîyanê xoverdayîşî yê herêma Çemçoyî kerd. Hêzanê ma semedê xo pawitişî bi taktîkê suîkastî da piro, îşxalkerêk ame cezakerdene.
24ê sibate de mewzîyê xoverdayîşî yê dewa Sîda pê topanê fosforî û bobmayanê qedexeyan 17 rey dîyayî bombayan ver. Eynî roje warê Deşka Kafya yê Garê, Warê Xoverdayîşî yê Kurojahro, Çemço, Sîda û Girê FMyî bi desan rey pê têyarayanê şerî, helîkopteranê hêrişî, tanq, obus, çekanê giranan dîyayî bombayan ver.''
