Îşxalkerî erd û hewayî ra bombarduman kenê
Hêzanê gerîlayan rîyê erdlerzî ra çalakîyê xo yê leşkerî vindarnayî, la bombardumanê dewleta tirke ya îşxalkere, vera gerîlayan hem erd hem zî hewayî ra bêmabên dewam keno.
Merkezê Îrtîbatî û Çapemenîye yê HPGyî derheqê hêrişanê dewleta tirke ya îşxalkere de eşkerayîye daye. HPGyî vat: ''Artêşa tirke ya îşxalkere bi teknîkê giranî hêrişê Gerîlayanê Azadîye yê Kurdîstanî kena ke pozîsyonê xopawitişî de yê.''
Detayê hêrişanê dewelta tirke wina yê:
''15ê sibate de mewzîyê xoverdayîşî yê dormeyê dewa Sîda ya bajarekê Şêladizê yê Amedîye pê bombayanê qedexeyan rayêke dîyayî bombayan ver. 14ê sibate de warê Deşta Kafya ya Garê pê teyarayanê şerî 5 rey dîya bombayan ver. 15 û 16ê sibate de Warê Xoverdayîşî yê Girê FMyî û mewzîyê xoverdayîşî yê dormeyê dewa Sîda û herêma Çemçoyî yê bajarekê Şêladizê yê Amedîye pê obus, tanq û çekanê giranan 43 rey dîyayî bombayan ver.''
