Dew û dewekanê qezaya Xizanî yê Bedlîsî Harat, Akunus, Govan, Nanîlan, Xalepûr, Kekulan, Sureh, Pertawan, Kûran û Urehî de bi bahaneya ke gerîlayê tede ameyî dîyene qedexeyê tebervejîyayîşî ame îlankerdene. Walîtîya Bedlîsî pare kerd ke heta fermanêkê bînî qedexeyê tebervejîyayîşî ameyo îlankerdene. Bi operasyonê leşkerî pêkewtişî qewimîyayî, dewan de sereştişî qewimîyayî û 3 dewijî ameyî destbendkerdene.

Goreyê agahîyanê ke dewijan vatê pêro dewî gêrîyayê binê ablûqa. Destûr nêro dayene ke dewijî keyeyanê xo ra vejîyê. Dewijê ke wazenê şorê ware û karanê xo bikerê, bi zorî yenê açarnayene. Dewijan vat ke leşkerî bi şewe erzenê keyeyan ser û vanê 'terorîstî kamca de yê?' 

Herême de pêro dewijan rê kontrolê GBTyî yenê kerdene. Herême de wesayîtanê leşkerîyan ra ber wesayîtê sivîlî zî zêdîyayê. Dewijê ke vanê ê sivîlî endamê kontra yê û ê kerdişanê serranê 90an ciwîyenê.