Ferman Kerîm Şehîd Xursî de ke kelaya xoverdayîşî ya Zapî ya, 3 aşman xover da, 5ê teşrîna peyên a 2022î de bi 10 embazanê xo bi çekanê kîmyasalan şehîd bî. Ferman Kerîm Şirnex de ameyo dinya. Hema ciwanîya xo de hayîya ey bi polîtîkayanê dewlete yê qilêrinan est bîya û coka serra 2013î de xo resneno Têgêrayîşê Azadîye.

Her çî seba Kurdîstanî!

Bi şexsîyetê xo emabzanê xo rê bî nimûneyêk. Vera xîyanetî tim bihêrs bi. Hedefê xo yê ke bibo gerîlayêko serkewte û bawerîyê xo bi nê çîyan ardî ziwan: ‘‘Afirnayîşê kaînatî ra heta nika, ma cuyêka zehmete û xoverdaye ciwîyenê. Tarîx, kultur û rastîya ma, heme şarê dinya rê problem o. Şer, xoverdayîş û adirê ma girr beno beno volkanêk. Wa vengê mi bêro şima, hey kiştoxêne! Her çî seba sosyalîzmî, her çî seba Kurdîstanî.’’

Vera DAÎŞî şer kerd

Qirkerdişî ke kurdan ser o yê, Fermanî qetîye ê qebul nêkerdî û bi beşdarbîyayîşê Şorişê Rojawanî vera DAÎŞî şer kerd. Dima reyna agêra koyanê xo. Çunke hedefê ey est bî ke, qedênayîşê îşxalkeranê Kurdîstanî dabi xo ver.

Verê Xakurkê, dima Zap

Ferman 2017 de tewrê Hêzanê Taybetan bi û sey fermandarêkê serkêşî Şorişê Kurdîstanî de  cedh kerd ke bi hewayêkê fedakarî rolê xo bîyaro ca. Mîyanê hemleyanê ke vera hêrişê îşxalî yê dewleta tirke ameyî destpêkerdene de cayê xo girewt. Verê Xakurkê, dima zî Hemleya Bazanê Zagrosî de beşdarê yewîya têgêrayîşî bi. Heta şahadetê xo mewzî de rolê xo yê çalakî de bî. Ferman Kerîm ke nameyê xo tarîxê Kurdîstanî de nuşt, 5ê teşrîna peyêne 2022î de bi çekanê kîmyasalan 10 embazanê xo reyde şehîd bî.