Cinîyê sîyasetmerdarî yê kurdî Sakîne Cansiz, Fîdane Dogan, Leyla Şaylemez ê ke 9ê çeleyê 2013 de Paris de ameyî qetilkerdene û Sevê Demîr, Fatma Uyar û Pakîze Nayir ê ke 4ê çeleyê 2016î de qezaya Silopî ya Şirnexî de ameyî qetilkerdene Merdîn de hetê TJA û HDPyî ra ameyî yadkerdene.

Aktîvîteyo ke xeylêk  kesî tewrê ci bîyî de fotografê şehîdan ameyî ronayene û dormeyê ci de mûmî amayî tafînayene. Endama Meclîsê Mayanê Haştîye Halîme Kaya kiştişê vera cinîyan şermezar kerd û vat cinîyê ke fikrê xo vanê ya yenê tepiştene ya zî yenê qetilkerdene. Kaya vat: ''Ma nê qirkerdişan û zîhnîyetî şermezar kenê. Ma embazanê xo yê şehîdan yad kenê ma do înan xo vîr a mekerê.'' Hemsereka HDPyî ya Mêrdînî Perîhane Agaoglu zî ard ziwan ke ganî hesabê qirkerdişî bêro persayene û vat cinîyê kurdan do têkoşînî rê dewam bikerê.