Endamê Komîteya Merkezî ya PKKyî Cemal Şerîkî serrgêra 38. ya Xoverdayîşê Rojeyê Mergî yê 14. Temmuze ercnaye.

Cemal Şerîkî hêverî şehîdê 14ê Temmuze Kemal Pîr, Mehmet Hayrî Durmuş, Akîf Yilmaz û Alî Çîçek yad kerdî û vat: ''Rayber Apoyî mesajê şehîdanê 14ê temmuze girewtî. Mazlûm Doganî vatêne 'vengê mi bidê eşnawitene.'Rayber Apoyî no mesaj û mesajê Rojeyê Mergî yê 14ê Temmuze girewtî û ardî ca. Çalakîya 15ê Tebaxa 1984î yena manaya wayîrvejîyayîşê 14ê Temmuze.

Binê şert û mertanê 12ê Êlule de o çax merdimî nêeşkîyayêne nefes bigêrê. Xoverdayîşê 14ê3 Temmuze nefes da nê merdiman. Têkoşînê gerîlayan zî bi nê hawayî, dest pêkerd û heta nika xeylêk erjê Kurdîstanî afernayî.

Faşîzmê AKP-MHPyî maneno prosesê 12ê Êlule.Felsefeya 12ê Êlule sentezê tirk-îslamî bîye. Na felsefe nişa yêşîn bîye. Nika PKK û gerîlayê azadîye estê. Hîşmendîya komelkî esta. Gerîlayî û têgêrayîş vera zor û tedayan vanê ê estê û do têkoşîn bikerê. Gerîlayî, şar û komel pîya vera faşîzmê AKP-MHPyî xo ver danê.

Gerîlayî nika Heftanîn de têkoşîn kenê. No zî raştîya wayîrvejîyayîşê şehîdan a. 14ê Temmuze giran bi la alaya têkoşînî berz kerde. No têkoşîn heta peynî do dewam bikero.''