Gerîlayê Kurdîstanî çarçewa Hemleya Şorişgêre ya Cengê Xebûrî de derbanê giranan danê artêşa tirke ro. Gerîlayê ke bihêz û bimoral tewrê çalakîyan benê pê xo bawer ê. Gerîlayî vanê: ''Ma do qesasê embazanê xo yê şehîdan bigêrê û vera dişmenî ser bikewê.''

Gerîlayê ke destûrê îşxalê dewleta tirke nêdanê bale ancenê serkewtişê PKKyî ser û vanê ke ê do nê şerî de tarîxî bunusê û serkewtişêkê pîlî bifînê dest.

Zerrîya her gerîlayî/e sey volkanî ya. Tewr zaf pê çiman û zerrîya xo qisey kenê.Gama ke şerwanê Kurdîstanî wîyenê hîssê înan resenê zerrîya bi hezaran kesan. Gerîlayê vanê ''Wext wextê serkewtişî yoî ma do bi hêzê xo şerêkê pîlî bidê û ser bikewê. Heyecanê ma pîl o.''

Şerwanê azadîye serkêşîya hêzanê YJA Starî de vera heme hêrişan bi eşqê azadîye cuya xo feda kenê. Gerîlayê azadîye ke vera hêrişanê artêşa tirke xover danê tewr peynî de nê mesajî danê: ''Ma şerwanê Rayber Apo û PKKyî yê. Ma do hêrişê dewleta tirke bişikkê û dişmenî bin bifînê.Heta ke gerîyê azadîye bibê dewleta tirke do nêeşka rehet rehet na herra bimbareke îşxal bikera. Xoverdayîş û têkoşînê ma bêmabên do dewam bikero.''