Şingal de vizêr çarçeweya Hemleya Dem Demê Azadîye yo û çarçeweya çalakîyanê ke semedê wedaritişê tecrîdê serê Rayberê Şarê Kurdî Abdullah Ocalanî yenê kerdene de Komxebata ‘‘Çareserîya problemanê Iraqî Netewa Demokratîk de ya’’ ame kerdene.

Komxebeta ke hetê Îdareyê Xoserî yê Şinglaî ra ame kerdene xeylê hetanê Iraqî ra nuştox, roşnvîr, sîyasetmedarî, wezîfedarê dînî yê Başûrê Kurdîstanî û bajaranê Iraqî ra ameybî silayîyene. Meclîsê Şarî yê Şingalî, Têgêrayîşê  Ciwanan, TAJÊ, PADÊ, serkêşê komelî tewrê komxebat bîyî û xeylê sazgeh û rêxistinî beşdar bîyî.

Eşkerayîye hetê Cagirê Hemserekê Desteya Rayberî ya Şengalî Azad Hisênî ra ameye dayene. Hisênî wina vat, ‘‘Ma sipasîya her xebatkar, mêman û şarê xo yê Şengalî kenê ke komxebate de hazir bîyê. Ma Şengalî sey keyeyê her kesê Iraqî vînenê ke paştî danê komelê êzîdîyan.  Keye keyeyê înan o zî. Ewro komxebata ma 4 babetan ser o aver şîye. Gere ma reyna bîyarê xo vîrardene ke tena şagirtê Rayber Apoyî xo resnayê hawara ma. Ma tecrîdî şermizar kenê û Rayber Apoyî silam kenê.’’