Têgêrayîşê Azadîya Cinîyan ê Êzidîyan (TAJÊ) û Yewîya Cinîyan ê Ciwanan ê Êzidxanî Gelîya Kersê de dest pê çalakîya nobete kerd. Bi desan cinîyî tewrê çalakîye bîyî. Cinîyan pankarta bi nuşteyê 'Ma do tecrîdî biqedînê, faşîzmî birijnê, Rayber Apoyî reyde bi azadî biciwîyê' akerde.

Deqayêkê rêzgirewtişî ra dima Vervatoxa TAJÊ Sebîha Sabrî qisey kerd. Sebîha waşt ke wa PKK mîyanê lîsteya terorî ra bêro vatene û vat: ''Ma deyndarê PKK û Rayber Apoyî yê. Ma sey cinîyan ê êzidîyan tim payan ser ê. Ma do azadîya Rayberîye zî bîyarê ca.''

Endama TAJÊ Gulê Zorava zî pare kerd ke ê xêrê fikranê Ocalanî azad ê û wazenê Ocalan zî azad bibo.

Çalakîya nobete do 7 rojan dewam bikera û her roje roniştoxê 2 dewan do nobete dewr bigêrê.