Têgêrayîşê Azadîye yê Cinîyan ê Êzidîyan (TAJÊ), vera hêrîşanê dewleta tirke ameyê têhet û dîyar kerd ke do hetê hêzanê pawitîşî de ca bigîrê û do fek têkoşînê xo ra nêverdê.

Nameyê cinîyanê Şingalî ser o Endama Komîteya Keyayanê Şehîdan Meyane Nasir qisey kerd û vat, ‘‘Ma Iraqî şermizar kenê ke dewleta tirke hendê hêrîş kena û hema zî Iraq bêveng o. La bêro zanayene ke ma kesêkî ra çîyêk nêpawenê û ma do nêpawê. Erdogan û derûverê ey bizano ke ma do gonîya gedeyanê xo erdî ra nêverdê. Ma do heyfê şehîdanê xo bigîrê. Çend wazenê wa hende hêrîş bikerê, ma herra xo ca nêverdanê, Oyo ke herra xo biterkno, dînê xo, şefer û namûsê xo zî terkneno. Ma do bi geyanê xo çekan bigîrê û Şingalî bipawê.’’

Endama Taje Kinê Xidir zî nê çîyî vatî; ‘‘Dişmen seba ke ma bitersno hêrîşê Şingalî keno. La ma nêtersenê û Şingalî nêterknenê. Şingal hem keyeyê ma yo, hem zî mezelê ma yo. Heme dinya bibo yew û hêrîşê Şingalî zî bikero ma do Şingalî nêterknê. Yan ma do bi şerefê xo bimirê yan zî ma do azad biciwîyê.’’

Ma do heyfê şehîdanê xo bigîrê

Endamê Meclîsê Şar û Asayîşê Êzîdxanî zî vera hêrîşî de ameyê têhet û reaksîyon da. Hemserekê Meclîsê Şarî Şêx Mûrad: ‘’Roja Çarşeme de seba înan pîroz a, bîye rojêka tarîye. Dişmenê kurdan bi raya ajanan ma kerdî hedef.’’

Endamê Asayîşê Êzîdxanî Nacî Şingalî: ‘‘Hêrîşê dewleta tirke ya îşxalkere û yê Barzanîyanê îxanetkaran dewam kenê. 2 rojî verê Pîr Çeko û Agir Cefrî şehîd kerdî. Ewro zî embazê ma Şêrzad ame hedefgirewtne û şehîd bî. Wa dinya alem bizano ke ama do heyfê xo bigîrê.’’