Dewleta tirke ya îşxalkere vizêr şewe hêrişê Rojawan, Mexmûr û Şingalî kerdbi. Balkêş o nê hêrişî binkewtişê Hesekê yê DAÎŞî ra dima ameyî kerdene. Îdareyê Xoserî dabi zanayene ke DAÎŞ û dewleta tirke pîya hêrişê Hesekê plan kerdo.

Hêrişê vera Şingalî 22.00 de dest pêkerdî ke 2017 ra nata hêrişê hende şîdetînî nêameybî kerdene. Xeylêk teyarayanê şerî herêmê Amûd û Çilmêran ê Şingalî dayî bombayan ver.

Dîmenan de aseno ke bombardumanan ra dima texrîbatê senînî virazîyayê. Dîmenan de aseno ke xeylêk heywanî kişîyayê, keye û dêsî rijîyayê, darî qerifîyayê.

Nê hêrişî dima ke 23ê çeleyî de Serekwezîrê Iraqî Mustafa Kazimîyî Sersefîrê Tirkîya Alî Riza Guneyî reyde Bexdad de pêvînay kerdî qewimîyayî. 

Şarê Şingalî ewro do hêrişan şermezar bikero.