3ê adara 2017î de, destê DAÎŞî ra xelisîyayîşê Şingalî ra 2 serran dima cergê çekdarî yê bi nameyê ''Pêşmergeyanê Roje'' şîyî serê Şingalî.

Nê kesanê ke xo rê vatêne kurd ê, bi hemkarîya dewleta tirke çekê xo antî way û birayanê xo ser.

Nê hêzî 3ê adara 2017î de waşt dekewo qezaya Xanesorî ya Şingalî û 2ê adare de şan kerd ke dormeyê Sinûn û Xanesorî de hendekan bikênê. Dadîyanê Şingalî xîret kerd ke pê destanê xo hendekan debikerê la maruzê hêrişî mendî.

3ê adare de YBŞ seba ke rewşe fam bikero nê hezî reyde pêvînayîşêk kerd. Hema ke kombîyayîş nêqedîyabi nê hezî pê 30 hameran, wesayîtanê zirxînan û çekanê giranan xîret kerd ke aver şoro.

YBŞ, YJŞ û Hêzê Asayîşî seba ke Pêşmergeyanê Roje vindarnê pozîsyonê pawitişî girewt. Di gerîlayanê bi nameyanê Çekdar Sînan û Orhan Baranî kerd ke pê destanê xo wesayîtê zirxînî vindarnê. Nê wird gerîlayan seba ke kurdî gonîya yewbînan merijnê bedenê xo sîper kerdî.

La wird gerîlayî zî bi hawayêkê namerdî ameyî qirkerdene. Rojnamegere Nûjîyane Erhana ke xîret kerdêne dîmenan bigêra zî maruza hêrişî mende, a û di rojnamegerê bînî birîndar bîyî. Nûjîyane nêweşxane de 22ê adare de dinyaya xo bedilnaye.

No hêrişê PDKyî raştê nêrazîbîyayîşêkê pîlî ame. Rojawan û Şingal de bi hezaran kesan no hêriş protesto kerd. Şarê Rojawanî ver bi Şingalî dest pê rayraşîyayîşî kerd. 14ê adare de Pêşmergeyanê Roje reyna hêriş kerd. Narey zî Endama TAJÊ Nazê Nayîf dinyaya xo bedilnaye.

Hêrişanê Xanesorî de 7 şerwanî şehîd bîyî. Nê hêrişan ra dima têna yew fotograf mend ke tede di gerîlayî kenê ke pê destanê xo wesayîtê zirxînî vindarnê. Nê wird gerîlayî seba ke kurdî gonîya yewbînan merijnê bedenê xo sîper kenê.