Amed de rojanê peyênan de varayîşê vewre ra xeylê rayîrê dewan û qezayan qefilîyayî. Şaredarîyê qeyûmî yê AKPyî xebatanê rayîrî nêkenê. Nêweşî û amedijê bînê ke wazenê hewcedarîyanê xo yê esasan bîyarî ca înan rê hetkarî nîna kerdene.

Qezaya Çermûgî ya Amedî de dewanê Pamuklu û Yaylacikî yê ke rîyê vewre ra rayîrê ci qefilîyayî de di cinîyê ke nêweş kewtî înan rê hetkarî nêameye kerdene. Dewijan xeylêk rey şaredarî û ekîbanê bejrayîrî ra hetkarî waşte la semedê dewijanê nêweşan çîyêk nêamekerdene.

Dewa Pamuklu de cinîyêka hemwelatîya almanî ya û nameyê ci nêame musayene nêweş kewte muracatê dewijan ê semedê akerdişê rayîrî bêcewab mendî. Reyna dewa Yaylacikî de zî dewijan waşt Hanime Polat bêrê nêweşxane la nê rayîrî ameyî akerdene ne zî ambulans ame şawitene. Dewijî bi îmkananê xo nêweşan bênê nêweşxane. Dewijê ke pîya bi nêweşanê xo rayîr de mendî vera AKPyî hersê xo ard ziwan.