Rayberîya Rêxistina HDPyî ya Amedî de rêxistinanê komelê sivîlî bi babeta ercnayîşê qewimîyayîşanê sîyasîyan kombîyayîşêk kerd. Salona kombîyayîşî de pankarta bi nuşteyê 'Ma rêxistinanê girseyan ê demokratîkan û dezgehanê komelê sivîlî reyde yenê yewca' ameye daliqnayene.

Verî Hemsereka HDPyî ya Amedî Gulîstane Atasoy qisey kerd û îfade kerd ke kaosê Tirkîya her ke şino beno pîlêr û vat: ''Prosesê sîyasî teda û şîdetî de têrî beno. Herême de bi taybetî Amed de konseptê şerê taybetî yeno caardene. Ma wazenê nê çîyan ser o ewro qisey bikerê.

Hetê bînî ra tecrîdo ke Îmrali de dest pêkerd ewro vilayê pêro welatî bîyo. Her hewte zîndanan ra cenazayî vejîyenê. Hewceyê ma bi sîyasetê demokratîkî esto. Ma eşkenê ney bîyarê ca. Ma zanenê ke sîyasetê faşîzmî nêeşkeno meseleyanê komelî çareser bikero. Labelê ma do birêxistin û têkoşînê xo faşîzmî çin bikerê.''

Kombîyayîşî çapamenîye rê girewte dewam kerd.