Endamanê Sendîkaya Muteakîtan a Amedî zem û sîstemê dizdîye yê îqtîdarê AKP-MHPyî bi eşkerayîyêke protesto kerdî.

Eşkerayîye ra verî endamanê sendîka esnafî zîyaret kerdî. Dima Serekê Sendîkaya Muteaqîtan a Amedî Vahap Gunayî qisey kerd û ard ziwan ke merdimî hînî binê nê şert û mercan de nêeşkenê xo bidevirnê.

Gunayî pare kerd ke esnafî hînî nêeşkenê faturayanê xo bidê û vat: ''Ma sey ewro do tim waştişanê xo yê meşrûyan bîyarê ziwan.''

Esnafêkê TOKÎ zî îfade kerd ke hînî faturayanê berzan ra ê neçare manenê ke dikanê xo biqefilnê û vat: ''Ma nêeşkenê faturayan bidê. Ma nê zeman şermezar kenê.''