Çarçewa operasyonanê qirkerdişê sîyasîyî de heşaredarê verênî zî tede Amed, Riha û Mêrdîn de 5 kesî ameyî tepiştene.

Hemşaredê Şermexî yo verên Hasîp Aktaş û hemşeradaro verên ê bajarekê Xelila yê Kerboranî Ahmet Inci yê ke 30ê teşrîna verêne de çarçewa Cipêrsayîşê Serdozgerîya Komere ya Mêrdînî de ameybî destbendkerdene, ewro vejîyayî mehkeme û bi îdîayê ''endamîya rêxistine'' ameyî tepiştene.

Hatce Kalkan û Husnu Agirman ê ke eynî roje ameybî destbendkerdene bi şertê kontrolê edlîyî ameyî veradayene.

Amed e zî mehlimê ke ameybî destbendkerdene ra Abbas Şahîno ke dewro ravêrte de serekîya Egitim Senî yê şubeyê Amedî kerdbi, ame tepiştene. 15 mehlimê bînî ameyî veradayene.

Riha de zî Mahmut Şaşmaz û Eyup Cînê ke 3ê teşrîna peyêne de sereştişê keyeyan ê Wêranşarî de ameyî destbendkerdene, bi îdîayê ''endamîya rêxistine'' ameyî tepiştene.