Goreyê xeberanê ke ameyî girewtene xebatkarê Radyo Çira Xelîl Şengalî û xebatkarê Çira TVyî Emîra Sîmorg û Hesunî Xanesorî yê ke bajarekê Sinune de xeberî teqîpkerdêne hetê artêşa Iraqî ra ameyî destbendkerdene. Rojnamegerê ke kamareyanê înan ameyî destsernayene sera ameyî berdene nîno zanayene.

Artêşa Iraqî ya ke bi rojano herême de têgêrayîşê xo yê leşkerî zedînayê tewr peynî de Asayîşê Ezidxanî tehdît kerd. Saetanê nêmroje de Fermandarê Yewîyanê Rojawanê Nînova Rukûn Cebarî bajarekê Sînune de Asayîşê Ezidxanî tehdît kerd û vat ê ganî nêm saete ûca ra vejîyê eke mevejîyê ê do zor bişxulnê.