Polîtîkayê teda yê hukmatê Iraqî vera Şingalî dewam kenê. Şarê Şingalî vano ke estbîyayîşê artêşa Iraqî Şingal de aramîya şarî herimneno.

Bajarekê Xanêsorî yê Şingalî ra Şêx Celalî pare kerd ke artêşa Iraqî kewta merkezê şaristanî, dewan, keyeyanê şarî û dikanan. Celalî vat: ''Aramîya çewî nêmenda. Iraq de cayo tewr aramn bi. Artêşa Iraqî nê rojanê peyênan de sewqîyato pîl kerd. Wexto ke ma persayî vat asayîşî ra yo. Hêzê Şingalî estê û ê asayîşê ma pawenê. Şarê Şingalî nînan şinasneno, artêşa Şingalî nêşinasneno. Artêşa Iraqî seba ke ciwanan destbend bikera ameya tîya. Hetêkî ra ciwananê ma tepişenê hetêkê bînî ra zî qir kenê. Nêverdenê ke keyeyanê şehîdan kampa Başûrî de xeymma serweşîye abikerê.''

Bahoz Xaneorê Şengalîyî zî bale anet hêriş û gefanê vera êzidîyan ser û da zanayene ke armancê înan çinkerdişê êzidîyan o. Şengalîyî îfade kerd ke mesuldarê hêrişanê vera Şingalî hukmatê Kazimîyî yo û vat: ''Ma ciwanan û şarê Şingalî ra wazenê ke yewîya Şingalî bipawê. Ganî ma hetê hêzê asayîşê êzidxanî de bibê. Artêşa Iraqî bi bahaneya asayîşî tim tedaya hêzanê Şingalî kena. Komelê êzidîyan ganî wayîrê Şingalî vejîyo.''