27ê kanûna 2021î de hêzanê leşkerîyan ê Iraqî xîret kerd ke dormeyê Kampa Multecîyan a Şehîd Rûstem Cûdîyî (Mexmûr) têl bikerê. Naye ser o şarê kampe nêrazîbîyayîşê xo mojnabi. Dima artêşa Iraqî xo apey ant.

Nê xîretî ra dima kampe de heyetêk ronîya û selahîyetdaranê leşkerîyan ê Iraqî reyde pêvînayîşî kerdî. Heta nika selahîyetdaranê hukmatî cewabêko pozîtîf nêda. Vera ney xeyma çalakîye ronîyaye û çalakîye hema zî dewam kena.

Nê rojanê peyênan de zî artêşa Iraqî baregehê xo yê nêzdîyê kampe de kuleyê leşkerî awan kerdî. Şarê kampe zî pê na rewşe qayîl nîyo û îfade keno ê do qetî qebul nêkerê ke dormeyê kampe bi têlan û kuleyan bêro girewtene.