Dewleta tirke ya îşxalkere saetanê nêmroje de Şingal hêrişê wesayîtêkê Asayîşê Êzidxanî kerd. Asayîşê Êzidxanî ke derheqê hêrişî de eşkerayîye daye û vat ''Ma zanê ke no hêriş pê destê PDK û dewleta tirke ame kerdene.''

Eşkerayîye de nê ameyî parekerdene:

''Seke yeno zanayene ewro saetanê nêmroje de merkezê Şingalî de vera yewîyanê asayîşî hêriş ame kerdene. Nê hêriş de hemrayê Şêrzad Şemo Kasimo e Îdareyê Asayîşê Êzidxanî de ca geno, şehîd bi.  Ma do dewrê kilmî de derheqê hêrişî de eşkerayîya hîra bidê. Ma zanê ke no hêriş pê destê PDK û dewleta tirke ame kerdene. Ma sey Asayîşê Êzidxanî şarê xo yê welatperwerî û keyeyê Şehîd Şêrzad Şemoyî rê serweşîye wazenê. Asayîşê Êzidxanî bedelê çi beno wa bibo do şarê ma û Êzidxanî bipawo. Ma veng danê şarê xo ke wa vera hêrişanê qirkerdişî tewir bîgêro. Ma reyna qerardarîya xo anê ziwan. Ma do şar û Êzidxanî bipawê.''

27ê sibate de qezaya Xenasorî ya Şingalî de hêrişê hewayî yê artêşa tirke de fermandarê YPBŞyî Pîr Çeko û Agir Cefrî şehîd bibî.''