Avaşîn hêrikîyeno zerrîya çêrêkî

Gerîlayê mêrîwanijî Hewrê Kerîmpuro ke xeylêk çalakîyanê Avaşînî de ca girewt, 15ê tebaxa 2019î de pêkewtişan de heta guleyê xo yê peyênî şer kerd û şehîd bi.

15ê Tebaxe roja xoverdayîşî û gandarbîyayîşî ya. 15ê Tebaxe roja çalakîye ya. Gerîla Hewrê Yarano ke dima ra nameyê 'Egîdê Avaşînî' nîya pa temsîlkarêkê tradîsyonê xoverdayîşê 15ê Tebaxe bi.

Hewrê Kerîmpur (Hewrê Yaran) şaristanê Mêrîwanî yê Rojhelatê Kurdîstanî ra yo. Hewrê zanîngeh de Apogîrîye şinasneno û 2017 de tewrê gerîlayan beno. Gerîla Hewrê xeylêk çalakîyanê Avaşînî de ca gêno. Gerîla Hewrê 4ê gulana 2019î de bi çêrîyêka pîle tewrê çalakîya Bezokê ya Avaşînî beno û sond waneno ke o do dişmenî ser o çekan wedaro.

Hewrê Yaran sozê xo ano ca. A roje bi desan leşkerê dişmenî kişîyenê û dest nîyeno çekanê înan ser. Gerîlayê mêrîwanijî Hewrêyî 15ê tebaxa 2019î de pêkewtişan de heta guleyê xo yê peyênî şer kerd û şehîd bi.

Embazanê têkoşînî yê Hewrêyî wina qala ey kerde:

Gerîla Rûkene Bagok: Embaz Hewrê pê krîteranê şorişgêrîye û Apogîrîye şinasîyayêne. O derheqê tarîx û cografyaya Kurdîstanî de zaf zaneye bi. Hetê bînî ra zî şerwanêk û çalakîkerêk bi. O pêra qeraranê xo de biînat û bawermend bi. Wextêk embaz Hewrêyî betalkerdişê plansazîya çalakîye qebul nêkerdbi û bi sereyê xo şibi mewzîyanê dişmenî ra kameraya mobese pê dîrekê ci ardbi. Armancanê ci ra yew zî seba vîrameyîşê 15ê Tebaxe viraştişê çalakîyêke bi. Ey no armanc ard ca û a roje 7 leşkerê dişmenî kiştî. Embaz Hewrê na çalakîye de bi giranî birîndar bîye û şehîd bi.

Gerîla Sîdar Amed: O meraqdarê tarîx û edebîyatî bi. Mîsal ey şîîrê weşî nuştêne. Ey morê xo dabi binê çalakîya Bezokê. Çalakîye ra verî embaz Hewrêyî vatbi 'ma do şorê derbe bidê dişmenî ro û 6 çekanê înan bigêrê.' Raşta zî wina bi. A roje ey û embazan dest na 6 çekanê dişmenî ser û agêrayî. Ey tim waştêne çalakîya vera dişmenî de bibo şehîd. Embaz Hewrêyî no armancê xo zî ard ca.

Gerîla Erdal Gerdî: Heta şehadetê ci ez û embaz Hewrê ma pîya mîyanê prosesanê zehmetan de mendî. Embaz Hewrêyî wextêkê kilmî de pê kede û xîretê xo xeylêk xo aver berd. Embaz Hewrê verî zî birîndar bibi, nêweş kewtbi la nê çîyî xo rê asteng nêkerdî. O wextê çalakîyan de vera dişmenî tim bimoral bi. Embaz Hewrê wextê hêrişî de şehîd bi. Ey waştêne ke şoro Girê Şehîd Afatî û hêrişê vera girî asteng bikero. O û embazê bînî pê qerardarîyêka pîle şîyî dişmenî ser û 15ê Tebaxe heta serê sibayî pêkewtiş qewimîya. Enbaz Hewrê pê ruhê 15ê Tebaxe pê ruhê Fermandar Egîdî a roje şer kerd û bi nê hawayî şehîd bi.