Wekîlê HDPyî yê Çewlîgî Erdal Aydemîrî vernîyazêkê persî da Meclîsî û derheqê bêkarî û feqîrîya merdimanê Çewlîgî de qisey kerd. Aydemîrî da zanayene ke Çewlîg de bêkarî û feqîrîye ra merdimî neçare manenê ke şorê teberê welatî.

Aydemîrî qiseykerdişê xo de îfade kerd ke Çewlîg de her roje hîna zaf merdimî seba ke ameyoxê xo ser o qerqilîyenê şinê teberê welatî. Aydemîrî vat: ''Bi taybetî mezunê zanîngehî seba ke warê xo de nêeşkenê karêkî bivînê şinê teberê welatî. Merdimî rayîranê îlegalan ra şinê teberê welatî ganê xo visnenê binê tehlukeyî.''

Aydemîrî vernîyazê xo de nê persî pers kerdî:

-Çewlîg de serra peyêne de çend tenan seba pasaportî muracat kerd?

-Çewlîg de pê rayîranê fermî û nefermîyan çend tenî şîyê teberê welatî?

-Şima seba ke verê ney bigêrê qet xebate kenê?