Aydemîr: Pereyê Çewlîgî se bi?
Wekîlê HDPyî yê Çewlîgî Erdal Aydemîrî vist vîrî ke Wezaretê Dormeyî qaşo soz dabi ke qasê 20 mîlyon TL pere do bido Çewlîgî û aqîbetê nê peteyî persa.
Wezîrê Dorme û Şaristanîye Murat Kurum 2019 de amebi Çewlîg. Kurumî zîyaretê xo de soz dabi ke ê do seba Gelîya Çapakçurî Çewlîgî rê qasê 20 mîlyon TL pere do bidê.
Wekîlê HDPyî yê Çewlîgî Erdal Aydemîrî Meclîs de bi vernîyazêkî Kurumî rê aqîbetê nê pereyî persa.
Aydemîrî vist vîrî ke qaşo Kurumî seba Gelîya Çapakçur û projeyê vurîyayîşê taxa Kulturî qasê 20 mîlyon TL bidîyêne budçeya Şaredarîya Çewlîgî.
Aydemîrî Kurumî rê persa ke o do sozê xo bîyaro ca yan nê.
