Rêxistina HDPyî ya Cizîre bi wesîleya serrgêra qedexeyê tebervejîyayîşî ya 2016î eşkerayîye daye. Eşkerayîye de kesê ke wextê xoverdayîşê xoîdarekerdişî de ameybî qetilkerdene ameyî yadkerdene.

Keyeyê qurbanan, aktîvîstê Têgêrayîşê Cinîyan ê Azadan (TJA), îdarekarê HDPyî, endamê Meclîsê Mayanê Haştîye, îdarekarê Komeleya MEBYA-DERî tewrê eşkerayîye bîyî.

Hemsereka HDPyî ya Cizîre Zîlane Ecevît eşkerayîye wende û pare kerd ke qedexeyê tebervejîyayîşî barbarîya tewr girane ya.

Eşkerayîye de wina ame vatene: ''Silopî, Hezex, Dêrik, Nisêbîn, Gever, Gimgim, Farqîn û Sûr zî tede xeylêk waran de qedexe ame îlankerdene û no qedexe bi sebebê rijîyayîşêkê giranî. Wextê ablûqaya şaristanan de mîlyonêk û 500 hezar kesan ra heta mîlyonêk û 800 hezar kesî heqê xo bêpare mendî. Nê wextî de tewr tay 300 kesî ameyî qetilkerdene. Ma reyna vanê ke şarê kurdî qetî vera teda û zorbazîye sereyê xo nêard war. Nika ra pey zî do nêaro war.''