Başûrê Kurdîstanî de pîya bi akerdişê unîversîteyan xeylêk herêman de çalakîyanê protestoyî newe ra dest pêkerd.

Wendekarê ke bursê xo nêgirewtî hersbîyaye unîversîteyanê Koye, Helebce, Ranya û Qeladizê de çalakîyî kerdî. Wendekarê ke heqanê xo wazenê yeno pawetene ke bajaranê bînan de zî çalakîyan bikerê.

Serewedarişê wendekaran 21ê teşrîna peyêne de dest pêkerd. Seranserê Başûrê Kurdîstanî de bi deshezaran wendakarî vejîyayî kuçeyan rixmê naye hema waştişê wendekaran nêameyî ca. Hukmatê herême pê hêrişê polîsan cewabê wendekaran da. Xeylêk wendekarî ameyî destbendkerdene  ke zafê înan ra hema xebere nîna girwtene.