Hemserekê Konseya Rayberdişî ya KCKyî Cemîl Bayikî serrgêra 43. ya ronayîşê PKKyî bi mesajêkî fîraz kerde.

Mesajê Bayikî wina yo:

''Ronîyayîşê PKKyî ma rê, şarê ma rê roşan o. Bi na wesîle Roşanê Gandarbîyayîşî Rayber Apo, şarê ma, xoverdayoxanê zîndanan, pêro embazan, xebatkaranê PKKyî rê fîraz bo. Ez şexsê embaz Hakî Karerî de pêro şehîdanê azadîye yad kena. Ez sozo ke ma dabi Rayberîye, şehîdan û şarê Kurdîstanî dibare kena.

Key ma vanê PKK Rayber Apo û şehîdî yenê vîrî. Çunke PKKyî şehadetê Hakî Karerî ra pey ronîya. Rayberîya hûrmetê xo ya bi embazîye wina mojna. Hêrsê Rayber Apoyî no têkoşîn aver berd. Şorişgêrîye de hêrs û heskerdiş di hîsê hesasî yê. Rayber Apo de nê hîsî pîl ê coka ey erjê pîlî afernayî. Rayberîye hêrsî ra dima vera dewleta îşxalkere-qirkere sere wedarna, sîyasetê dişmenî qebul nêkerd, rewşa kurdan qebul nêkerde. PKK yeno manaya vervejîyayîşê bêedaletî, qirkerdiş, koletî û zulmî yo. Rayberîye pê eşqê azadîye hema ke dewe de bi têkoşînê demokrasî û azadîye da destpêkerdene.

Rayber Apoyî fedayîtîye esas girewte. Çunke enxan yew fedayî eşkayêne şarê kurdî hewnê mergî ra werizno û gandar bikero. Tayênan vatêne qey pê fedayîtî nê la pê şorişgêrîye eşkenê vera dewlete sere wedarnê. Peynî de her kesî dî ke bê milîtanîya rayberîye çew nêeşkeno verê îşxalkeran de vindero. Coka nê kesî nika çin ê. Kesê ke Kurdîstan de vurnayîş kerd Rayber Apo û milîtanê ci yê.

PKK binê şert û mercanê zoran de têkoşîn keno. Çunke dişmenê kurdan bihêz o, Kurdîstan de qirkerdiş keno. Coka şorişê Kurdîstanî şorişo tewr zehmet o. Rayberîye nêva têkoşîn zehmet o, îmkanî dîyî û têkoşîn kerd pîlêr. Rayberîye binê zehmetîye de şarê kurdî aver berd, şarê kurdî perwerde kerd ke senî ser bikewo. Çunke îşxalkeran mîyanê şarî de bêhêvîtîye afernabî. Rayber Apo vera ney vindert. Mîsal kesêkî ey rê Amed de  vat 'Kurdî merdî, ti eşkenî darêka pûçe gandar bikerê? Mumkîn nîyo.' La Rayberîye vat o do bieşko.  Rayberîye qetî zehmetîyan ra nêremaye û kerd ke kurdî ney fam bikerê. Coka kurdan sere wedarne û wayîrê erj û rûmetê kurdan vejîyê.

Reyna yew taybetmendîya Rayberîye esta; her çî ra verî ganî ti pê xo bawer bibe, çareserîye xo de bigêre. Rayber Apoyî semedo ke nê esasî ser o PKK rona serkewtişê pîlî vistî destî û destkewteyê pîlî vistî destî. Ciwananê PKKyî tim derd kerd ke hewcedarîyanê şarî peyda bikerê, şarî azad bikerê. Coka înan xo da têkoşînê azadîye û demokrasî. Înan şarê kurdî mergî ra çarna, newe ra ard cuye. PKKyî şarêko ke gankêş de bi kerd hêvîya dinya. Coka merdimîye kurdan, PKKyî û Rayber Apoyî mîsal gêna.

 Rayberîye a raşte zaf giranîye daye perwerde, seba şarê kurdî perwerde girîng dî. Kurdî bi nê perwerdeyî aver şîyî. Şarê kurdî PKK, Rayberîye û milîtanan reyde xeylêk serkewtişî ardî ca. Heta ewro tay kesî xêrê PKKyî ra wayîrê zaf îmkanan ê. La ê herinda ke nê îmkanan seba şarê kurdî bişuxilnê vera kurdan, PKK û gerîlayan şuxilnenê. Şarê ma ney zî vîneno.

PKKyî roja verêne ra dima tim cinî û ciwanî esas girewtî. Bi nê hawayî bi têgêrayîşê şar, cinîyan û ciwanan. Coka ewro her kes wayîrê PKK, Rayber Apoyî vejîyeno. Rayberîye seba ke bingeyê pêro azadîyan de ney esta azadîya cinîyan kerde esas. Rayberîye îdeolojî, pratîk, felsefe û teorîya azadîya cinîyan aver berdî. Coka PKK bi têgêrayîşê şarî. Rojhelatê Mîyanênî de kurdî komelo tewr kanwaz bibi. Rayber Apoyî no qebul nêkerd, hêrs bi û cinîyan û şarê kurdî de vurîyayîşêk kerd. Cinîyê kurdî destanan nusenê. Hem seba Rojhelatê Mîyanênî hem zî seba merdimîye.

Ewro xêrê kedanê Rayberîye ra têkoşînê cinîyan ê kurdan pêro cinîyanê dinya rê mîsal o. Coka her kes deyndarê Rayber Apoyî yo. Dinya de seba azadîya Rayberîye kampanyayî yenê kerdene. Ez bi na wesîle kesanê ke tewrê Hemleya Wextê Azadîye û kampanyaya lîsteya terorî ra vetişê PKKyî selam kena. Ê karê fîrazî kenê û ney seba ameyoxî kenê. Coka şar wayîrê PKK û Rayber Apoyî vejîyeno û nê kampanyayan keno. Ez pê bawer a ke nê kampanyayî do ser bikewê.

Seke zanîyeno nika vera dişmenî têkoşînêko pîl yeno kerdene. Êyê ke verî zaf destek dayêne dişmenî xêrê têkoşînê ma ra nika hende nêeşkenê destek bidê dişmenî. Her ke ma têkoşîn kerd pîlêr her kes rîyo raştikên ê dewleta tirke dî.Îqtîdarê AKP-MHPyî zere û teber de bi teng. Têkoşînê ma verê şerê psîkolojîkî yê AKP-MHPyî zî girewt. Coka wa şarê ma goş mekewo nê îqtîdarî. Wa goş bido Rayber Apo, gerîlayan û PKKyî ke seba merdimîye, kurdan û şaranê Rojhelatê Mîyanênî têkoşînê bêemanî danê.

Xoverdayoxê nê têgêrayîşî Xakûrkê, Avaşîn û Zap de destanan nusenê. No ruh ruhê fedayî, azadîye û demokrasî yo. Dewleta tirke pê nê ruhî nêeşkaye û dest eşt çeka kîmyewîye.  Înan vatêne qey bi nê hawayî qirkerdiş bikerê. La fedayîyê Rayber Apoyî vera çeka kîmyewîye vindertî. Înan ganê xo da la erdê xo nêterikna û derbê pîlî dayî dişmenî ro. Eke her kes ruhê nê xoverdayîşî esas bigêro do ser bikewo. No ruh erjanê merdimîye temsîl keno.

Rayber Apoyî pê nê ruhî dest pêkerd û no ruh ard ewro. PKK ewro bîyo hêvîya merdimîye û îqtîdarê AKP-MHPyî ard verê rijîyayîşî. Ma hê kewenê serra 44. ya PKKyî. Coka ganî ma têkoşînê xo pîl bikerê. Têkoşînê ma senî ke AKP-MHPyî ard verê rijîyayîşî emser zî do bi temamî birijno. Ma do nê esasî ser o ser bikewê. Ez reyna Roşanê Gandarbîyayîşî fîraz kena. Biciwîyo Rayber Apo, biciwîyo PKK.''