Kurdîstan wina yew cografya ya ke bi serran zulm û hêrişî dîyî la qet vera dişmenî çok nêşîyo erdî ro. Domanê kurdî pê destananê çêran ê vera dişmenî benê pîl coka pê na raştîye ciwîyenê. Nê domanî cade benê pîl û tewrê destananê çêran benê. Nê domanan ra yew zî Şerzan Kato yo.

Mazlûm Duman serra 1993î de Şirnex de dadîya xo ra beno. Dima ke dewleta tirke dewa ey vêşnena û talan kena keyeyê Mazlûmî neçare maneno ke koçê Mêrdînî bikero. Mazlûm vera zulmê dewleta tirke serra 2012î de tewrê gerîlayan beno. 

Mazlûm destê ci de çeka ci, zerrîya ci de waştişê qesasî vera zulmê dewleta tirke rayberîya xoverdayîşêkê pîlî keno. Mazlûm Duman nameyê gerîla de nameyê Şerzan Katoyî nano xo. Her wezîfe û mesuldarîye de tim tewr vernî de ca gêno. Hende fedakar û çêr bibi ke pêro embazanê ci waştêne ey reyde şorê wezîfe. 

Şerzano ke seba geşkerdişê îdeolojîya xo tim kitabê Rayber Apoyî wendêne, çîyê ke musayo embazanê xo reyde pare kerdêne û tim gêrayêne cewabê persê 'ganî merdim senî biciwîyo?' Gerîla Şerzano ke bi dejanê şarê xo hîs kerdêne û seba qesasî xîret kerdêne wezîfeyê xo yê peyênî de warê Botanî de serra 2019î de tewrê karwanê şehîdan bi.