Aktîvîsta Têgêrayîşê Cinîyan ê Azadan (TJA) Zelale Bîlgîn derheqê tecrîdkerdişê Rayberê Şarê Kurdî Abdullah Ocalanî de qisey kerd.

Bîlgîne vat: ''21 serr ê ke Rayberê Şarê Kurdî Abdullah Ocalan yeno tecrîdkerdene. 5ê nîsana 2015î ra nata zî tecrîd giranêr beno.  Bira tecrîdî sîyasî ya û bêhuqûqî ya. Vera felsefeya Birêz Ocalanî hêriş esto û şexsê Ocalanî de vera şaranê Rojhelatê Mîyanênî hêrişêko xurt esto. Îqtîdar seba ameyoxê xo tecrîd de israr keno.

Eke tecrîd bêro dewaritene şarê Rojhelatê Mîyanênî eşkeno xo îdare bikero. Tersê serdestan no yo ke Modernîteya Demokratîke do bêra caardene. Coka tecrîd kenê xorin. Tecrîd têna vera kurdan ney vera Rojhelatê Mîyanênî zî yo. Tecrîd mîyanê cuye de yeno vilakerdene. Tirkîya de her roje krîzê sîyasî, ekonomîk û komelkî xorin beno. Şîdetê vera cinîyan beno zêde. Semedê nê pêro krîzanê Tirkîya tecrîdê vera Rayberê Şarê Kurdî Abdullah Ocalanî yo. Bi tecrîdî pêro rayîrê sîyasetî ameyî girewtene.

Heta ke tecrîd dewam bikero şîdetê vera cinîyan zî do dewam bikero û cinîyî her tim do hedefê camêrdan. Dewlete wazena ke bi hîşmendîya xo ya serdestîye cinîyan sîyaset û komelî ra dûrî bivisna. Seba Kurdîstanî û demokratîkbîyayîşê şaranê Rojhelatê Mîyanênî û Tirkîya û seba haştîye û cuyêka azade, ganî tecrîdê vera Birêz Ocalanî bêro wedaritene. Azadîya Birêz Ocalanî temînatê haştîye û demokratîkbîyayîşê şaran o ke bi serran o pîya yê.''