Gerîlayî Armanc Welat û Zinarîne Zinar yê ke  şerê Heftanînî de bi hewayêkê qehremankî vera dişmenî têkoşîn kerd 19ê teşrîna verên a 2020î de tewrê kerwanê şehîdan bîyî. Wird gerîlayan qala PKKyî kerde ke senî cuya înan ser o tesîr kerdo.

Gerîlayê HPGyî Armanc Welato (Orhan Mihemed) 1997 Efrîn de ame dinya, keyeyêkê welatperwerî de bi pil û  2015 de tewrê sefanê PKKyî bi. Armanc Welat vano tewr zaf tekîlîya hemrayîye ya PKKyî ey ser o tesîr kerdo û wina dewam keno: ''Rêxistine de  tewr zaf hemrayîye yena hîsskerdene. Bitaybetî perwerde de mi raştîya têgêrayîşê ma û Rayber Apoyî nêzdî ra dîye û nas kerd. Sîstem de  merdim wina nêeşkeno xo nas bikero. Perwerdeyê PKKyî de merdim eşkeno tarîx û nasnameyê xo nas bikero. No pê keda Rayber Apoyî bi. Bado ke mi têgêrayîş nas kerd ez zaf bedilîyaya. PKKyî vera mergî yewna cuya înşa kerde. Vera koletîye azadîye aferna. Nê zî tewr zaf ma ser o tesîr kerd. Ganî heme ciwanê me tewrê têgêrayîşê azadîye bibê.''

Gerîlaya YJA Starî Zînarîne Zînar (Selma Şêx Mihemed) zî dewa Bîrzînarî ya Kobanê de ameye dinya, keyeyêkê welatperwerî de bîye pîl û 2017 de tewrê sefanê gerîlayan bîye. Bado ke birayê ci şehîd bi dahîna qerardar têkoşîn kena. Ercnayîşanê xo de derheqê birayê xo yê şehîdî wina qisey kena: ''Şehadetê birayê mi serê mi de zaf tesîr kerd, mi têkoşînê xo pîlêr kerd û çeka ey erdî de nêverda.  Gama ke ez tewrê gerîlayan bîya mi tay tengayî antî la dima ra pêde pêde mi mûsaya cuya  gerîlayan û mi tira zaf hes kerd.  Bado ke mi tarîxê cinîyan wend mi waşt ez xo zafêr nas bikerî. Mi têgêrayîş de tarîx û tewr muhîm zî xo nas kerd. Bado ke mi xo nas kerd mi embazî Sakîne û Bêrîtane esas girewtî û waşt xeta înan de avêr şirê. Ez wayîrê sozê xo yo ke mi dayo birayê xo vejîyaya.  Wa ciwanî kurdan tewrê sefanê gerîlayan bibê û tarîx û xo nas bikerê û wayîrê ci vejîyê. Çunke kam ke xo nas bikero cuya qezenc keno.''