Cemxane/Şubeyê Komeleya Kulturî yê Pîr Sultan Abdalî (PSAKD)yê Amedî de bi wesîleya qedîyayîşê Rojeyê Muharemî loqmayê germîya îmaman ameyî vilakerdene. Wekîlê HDPyî Omer Ocalan, Platformê Kede û Demokrasî, Rêxistinê HDP û BDPyî, Komeleya Xîretê 78an, KESK, TMMOB zî tewrê merasîmê vilakerdişê loqmayan bîyî.

Aktîvîte de verî Ocaxê Dede Karginî ra Musa Karginî qisey kerd û pare kerd ke heta ke dinya est ba dejê Kerbelayî zî do zerrîya elewîyan de est bibo.

Serekê PSAKDî yê Amedî Aydin Atliyî zî qiseykerdişê xo de îfade kerd ke wextê peyênî de hêrişê vera elewîyan zêdîyenê û vat: ''Ma zanenê ke nê hêrişkerî merdimê kamî yê. Heta ke nê hêrişkerî cezaya raştikêne nêgêrê nê hêrişî zî do nêqedê.''

Atliyî zîyaretê cemxaneyî yê Erdoganî rexne kerd û vat: ''Berê ma her kesî rê akerde yo la serekkomar zî bibo çew nêeşkeno cemxaneyî goreyê keyfê xo dîzayn bikero. Ganî çew verî hûrmetê rîtuelan bikero. Ma wazenê waştişê ma yê statuyê cemxaneyan rê zî hûrmet bêro mojnayene.''

Semahî ra dima loqmayê germîya îmaman ameyî vilakerdene.