Gerîlayê HPGyî Hamît Kartal 15ê êlule wareyê Beytanî yê Colemêrgî de şerêk de şehîd bibi. Keyeyê Kartalî  vizêr cenazaya xo girewte û berde Amed. 

Rayîr de polîs û leşkeran xeylêk reyan wesayîtê cenaza vindarna û ci rê GBT waşt. Wesayît  Bedlîs de bi saetan ame vindarnayene. Cendirmeyan waşt ke wa konvoyê cenaza ra di wesayîtê bînî agêrê nêbo ê do nêverdê cenaza bêra berdene. Dima ke 2 wesayîtî agêrayî cenaza ameye berdene bi taxa Reşika ya qezaya Farqînî.

Şewe seba cenaza merasîmêk ame viraştene. Îdarekarê HDP, DBP, MEBYA-DER, Kongreya Îslamî ya Demokratîke (DÎK), TUAY-DER û endamê keyeyî zî tede xeylêk hemwelatîyî tewrê merasîmî bîyî. 

Cenazaya Kartalî goristanê dewe de ameye definkerdene.