Cenazaya Yilmaz Yakutî (Kalo)yo ke roşnvîrê kurdî Apê Musayî tira vatêne 'generalanê min ê qijan ra yo' ameye definkerdene.

Yilmaz Yakutî serranê 1990an de vilakerdoxanê rojnameyê Azadîya Welat û Ozgur Gundemî ra yew bi ke ê serran de çapemenîya kurdan raşta tedaya dewlete û rojnamegerê kurdî zî raştê qirkerdişê dewleta tirke ameyêne. Coka Kalo bibi sembolanê çapemenîya azade ra yew.

Cenaza qezaya Baglarî Amedî de goristanê Yenîkoyî de ameye definkerdene.

Embazê Yakutî, kedkarê çapemenîya azade, endamê Komeleya Rojnamegeran a Dîcle-Firatî, temsîlkarê HDPyî zî tede xeylêk kesî tewrê merasîmê cenaza bîyî. Zîyaretê serşewîye Keyeyê Serweşîye yê Şaklatî yê Dîclekentî de yenê qebulkerdene.