Cenazayê 41 êzidîyanê ke 2014 de hetê DAÎŞî ra ameybî qetilkerdene û gorê komkî de ameybî binerdkerdene, tesbîtê nasnameyan ra dima ewro bi merasîmêkî ameyî definkerdene.

Dîya zanayene ke dima ke Dezgehê Tipê Edlî yê Bexdadî nasnameyê cenazayan tesbît kerdî, cenazayî ameyî vetene.

Cenazayî dewa Koçoyî ya Şingalî de 9ê Kanûne Roja Yadkerdişê Qurbananê Qirkerdişî ya Mîyanneteweyîye de bi merasîmêkê pîlî ameyî definkerdene.

Dezgehê Tipê Edlî xîret keno ke nasnameyê 400 cenazayanê bînan zî tesbît bikero.

Bi wesîleya 9ê Kanûne Roja Yadkerdişê Qurbananê Qirkerdişî ya Mîyanneteweyîye Serekkomarê Iraqî Berhem Salihî zî mesajêk şawit û vat: ''Ma na roje de qurbananê qirkerdişanê êzidîyan, Enfal û Helebçe bi dejê pîlî yad kenê.''