Cenazayê di gerîlayanê YJA Starî ke Mêrdîn de şehîd bîyî û Goristanê Bêkesan de  ameybî definkerdene, hetê keyeyanê înan ra ameyî girewtene.

 Herêma Eyndilbê yê mabênê Şemrex û Dêrikê Mêdinî de 8ê tebaxe de qedexeyê tebervejîyayîşî amebi îlankerdene û dima zî pêkewtiş qewimîya bi. Pêkewtiş de gerîlayê YJA Starî Gulîstene Şahîn ( Dîrene Avent) û Hunave Ayhan (Hêvî Herekol) êyê ke şehîde bîyî Goristanê Bêkesan de ameyî definkerdene. Keyeyan ewro binê kontrolê hêzanê dewlete de Goristanê Kamorî yê Artuklu ra cenazeyê xo girewtî.

Gulîstene Şahîn ( Dîrene Avent) do dewa Tumikî ya Sarayê Wanî de û Hunave Ayhan (Hêvî Herekol) zî Perwerîya Sêrtî de bêrê definkerdene.