Hemsereka Têgêrayîşê Azadî Tara Husên bale ante têkoşînê cinîyan ê vera komployî ser o û vat, ‘‘Cinîyî bi fikir û felsefeya Ocalanî têkoşîn kenê. Bi nê têkoşînî hem wayîrê Ocalanîvejênê hem zî komployî puç kenê.’’
Hemsereka Têgêrayîşê Azadî Tara Husên ANFyî rê derheqê Komployê Mîyanneteweyî yê vera Rabyerê Şarê Kurdî Abdullah Ocalanî de qisey kerd.
Tara vist vîrî ke komployî 24 serrî xo dima verdayî û vat, ‘‘Seba ma her saete û her roje zehmet o. Ma her roje hemverê komployî de xover danê.Ma şahîdê xoverdayîşê Girawa Îmraliyî benê. Ma şahîdê tez û pradîgmaya Rayber Apoyî benê. Hewce keno ke her kurd nê tarîxî baş biwano. Na seserra ke seba kurdan statuyêk nêameyo mojnayîş û no nêm seserr a ke Rayber vejîya meydan ke nê bêstatuyî qebul nêkero û têkoşîn bikero. Bi tez û paradîgmayê neweyan her deqa xover dano. Her roja ke vîyarena, no xoverdayîş hîra beno.
‘Vera Rayberî zîndan û girawe de bi sîstemêkê taybetî îşkence yeno kerdene’
No çaryekê seserr o ke Rayber Apoyî rê komplo ameyo kerdene, zîndanêkê taybetî de, girawêka taybete de û bi sîstemêkê taybetî yeno îşkencekerdene. Senî ke seba komployî pêroyê hêzan zereyê komployî de ca girewtî, seba rayberdişê sîstemî zî pêro pîya yê.’’
‘Cinîyî bi têkoşînî wayîrê Rayber Apoyî vejênê’
Tara Husên nê çîyî ardî ziwan: ‘‘Rolê cinîyan mîyanê nê têkoşînî de zaf dîyar û tesîrdar o. Têkoşînêko gird ê Rayberî seba azadîya cinîyan est o. Mîmarê ci Rayber Apo yo. Ewro cinîyî eşkîyayî bibê wayîrê hêzê xo yê pawitişî, bîyî wayîrê partîyan. Eşkîyayî mîyanê sîstemê Rayberîye de ca bigîrê û xo raver berê. Cinîyî bi têkoşînî Rayber Apoyî rê wayîr vejênê’’
‘Cinîyan bi fikir û felsefeya Rayberî xo şinasna’
Xeylê sazgeh û medyaya şerî hewl danê ke cinîyan xeta azadîye ra dûrî bifînê. Xeta cinîyan ê azadîye çin bî. Fikrê Rayber Apoyî halêkê winayênî de vejîyayî meydan ke cinîyî eşkîyayî xo bixelisnê û têkoşîn bikerê. Fikir û felsefeyê Rayber Apoyî tesîrê cinîyan kerdo û nika eşkenê estbîyayîşê xo nas bikerê, tarîxê xo bizanê her warê cuye de biciwîyê.’’
