Gerîlayê HPGyî Ciwan Firat ê erebî venga ciwananê ereban da ke, wa beşdarê refê PKKyî bibê.

Gerîlayê HPGyî Ciwan Firatî beşdarbîyayîşê xo yê gerîlayan wina bi kelecan ard ziwan: ‘‘Sere de ez heme şaran silam kena. Sey ciwanêkê erebî ez berdarê têgêrayîşê PKKyî bîya û hêzê HPGyî de ca gêna. Beşdarbîyayîşê mi ser o 5 serrî vîyartî. Destpêkî de ez çend zehmetîya cuya koyî bianca zî embazê mi na babete de hetkarîya mi kerde. Zaf hetan ra hêz û bawerî daye mi. No çî mi ser o tesîrêk viraşt. Hetê bînî ra zî babeta ziwanî de mi zehmetîye ante. Mi çend fam nêkerdêne zî hewldayîşê mi û paştîdayîşê embazanê mi est bî û bi perwerde û pratîkî ez banderê ziwanî zî bîya.’’

Firatî bale ante hêrîşanê dewleta tirke ya îşxalkere û wina vat, ‘‘Seke yeno zanayene hemverê ma de hêrîşê îşxalkerîye est ê. Dişmen her roje bi teknîkanê xo hêrîşê ma keno, la heme hêrîşê înan veng ê. Çunke embazê ma goreyê teknîkanê dişmenî tedbîranê xo gênê..”

Venga şarê ereban da ke wa beşdar bibê

Ciwan Firatî peynîye de dîyar kerd ke, gere tena şarê kurd nê heme netewî wayîrê PKKyî bivejîyê û vatişê xo wina qedêna, ‘‘Ez peynî de wazena silamanê xo bierşawa heme şarê ereban û ez înan ra wazena ke wa mîyanê xoverdayîşî de cayê xo bigîrê. Rayber Apoyî îdeolojîyêka azadîye afirnaye û gere ma zî goreyê na rastîye xo raver berê. Çunke azadîya pêroyê netewan mîyanê xo de hewênena. Rasta zî îdeolojîya PKKyî de ferq û cîyayîye çin a. Ma pêro yew ê û pîya ciwîyenê. Serkewtiş do yê ma bibo.’’