Hêzanê Pawitişê Şarî (HPG) her roje bi tewrbîyayîşan xurt beno. Komêka cinî û ciwananê Efrînî bi eşkerayîyêka hempare tewrê gerîlayan bîye.

Eşkerayîya ciwananê Efrînî wina ya:

''Dewleta tirke ya îşxalkere, qirkere, faşîste şerê qirkerdişê şarê kurdî rê sey her wextî dewam kena. Coka her roje bi hawayêkê barbarî hêrişê cinî, ciwan, şar û erdê ma kena. Dewleta tirke ya faşîste  cinîyan, ciwanan û her parçeyê erdê ma têna layîqê merg û qirkerdişî vînena. Coka her roje bi nê armancî kar kena. Seba servistişê nê armancî pêro hêz û îmkanê xo vistî dewre.

Rixmê pêro hêz, îmkan û metodanê şerê taybetî zî dewlete koyanê Kurdîstanî de vera xoverdayîş û têkoşînê gerîlayan neçare mende. Gerîlayanê Azadîya Kurdîstanî bi ruhê ciwanîya Apogîrî fermanê nê hêzê diyînî yê NATOyî ard. Bi xoverdayîş û têkoşînê destanwarî qesasê serran faşîzmê qirkerî ra girewt. Artêşa înan rixmê teknîkê xo yê modernî zî vera îrade û ruhê milîtananê Apogîran neçare bîya.

Nameyê ciwanan ê kurdan ser o, verê xoverdayîş û têkoşînê gerîlayanê azadîye yê Kurdîstanî de ma zî bire daye ke bi erk û mesuldarîya xo têbigêrê. Ma resa nê zanayîşî ke têkoşînê seba pawitişê rûmet û kerametê şarê kurdî û şaranê erk û mesuldarîya ma pêro ciwanan o.

Azadîya Rayber Apoyî seba ma babeta estbîyayîş û çinbîyayîşî ya. Ma cuyêka bê azadîya Rayber Apoyî sey bêrûmetîye vînenê û seba azadîya Rayber Apoyî, seba qesasê şehîdanê Kurdîstanî û vera pêro tacîz û tecawuzê şarê ma û welatê ma bi gerîlabîyayîşî, bi tewrbîyayîşê PKKyî cewab danê. Çunke tek rayîrê rûmet û azadîye gerîlabîyayîş o. Çunke gerîlayî hêzê pawitişî û pîlkerdişê erj, rûmet û şerefê şarê kurdî û pêro merdimîye yo.

Ma serra 44. ya ronayîşê PKKyî de ke seba ma ganîbîyayîşo newe yo, tewrê PKKyî benê. Ma çarçewa Hemleya 'Wext Wextê Azadîye yo' de bi şîarê 'Werin Cenga Azadiyê' tewrê gerîlayan benê. Çunke no ceng cengê serfîrazîye yo, cengê rûmet û kerametî yo, cengê serkewtiş û azadîya şarê kurdan a. Ma venga pêro ciwananê Kurdîstanî danê ke şima zî bêrê cengê rûmet, azadî û serkewtişî de ca bigêrê.

Serkewtiş ê gerîlayanê azadîya Kurdîstanî yo, serkewtiş ê PKKyî yo.''