Tay ciwanê erebî bi eşkerayîyêke tewrê HPGyî bîyî. Ciwananê ereben tewrbîyayîşê xo ser o eşkerayîye daye.

Eşkerayîye wina ya:

Dewleta tirke ya faşîste û hemkarê ci yê xayînî û kontrayî destpêkî ra nata mîyanê hêrişanê qirkeran û çinkerdişê şarê kurdî û talankerdişê Kurdîstanî de yê. Ewro her hele de seba çinkerdişê PKK û şarî, bi hawayêkê barbarî û bêexlaqî hêriş kenê.

Dewrê teknîkî de çekê tewr aver û bitesîrî çekê kîmyewî yê. Faşîsmê tirkan seba ke har bîyo na çeka tewr bitesîre zî heta tira yeno şuxilnena. Rixmê şuxilnayîşê hende çekanê kîmyewîyan zî ê pê gerîlayan nêeşkayî. Gerîlayê PKKyî pê ruh û îradeyê Apogîrî û afernayoxîya xo kokê na artêşa îşxalkere tira kerde û artêşa diyîne ya tewr pîle ya NATOyî Zap, Avaşîn, Metîna, Heftanîn û Garê de bin kerde.

Ma sey ciwananê ereban pare kenê ke hêrişê faşîmê dewleta tirke yê ser qirkerdiş, wêrankerdiş, tecawuz, tacîz û vêşnayîşî do bêcewab nêmanê, her keyeyo ke ameyo rijnayene, her welatperwero/a ke ameyo/a qetilkerdene û her hêrişo faşîst seba ma sebebê qesasî yê.

Ma zanenê ke cepheyo sereke yê têkoşîbê vera rejîmê qirkerî û faşîstî warê gerîlayan o. Waro ke têkoşînê azadîye tede bi hawayêkê aktîfî yeno kerdene warê gerîlayan o. Waro ke qesasê şarê kurdî û erebî do bêro girewtene warê gerîlayan o. Coka warê gerîlayan warê serfîrazîye, rûmet û serkewtişî yo.

Nê esasê caardişê azadîya Raybe Apoyî ser o ma îfade kenê ke ma bi wesîleya serra 44. ya PKKyî pê ruhê serkewtişê ciwanîye tewrê PKKyî benê û ma do qetî ser bikewê. Nê esasî ser o seba çinkerdişê rejîmê faşîstî û destvistişê serkewtişî ma tewrê gerîlayan benê.

Çarçewa Hemleya ''Wext Wextê Azadîye yo'' de ke hemleya pawitişê estbîyayîşî û destvistişê azadîye yo ma venga her kesî danê û vanê ke şima zî 'Werin Cengê Azadiyê' bêrê cengê serkewtişî.''