Komekê ciwanan bi wesîleya serrgêra 43. ya ronayîşê PKKyî tewrê gerîlayan bîyî.

Koma ciwanan koyanê Kurdîstanî de na eşkerayîye daye:

''Dewleta tirke ya faşîste ya ke pê pêro hêzê xo vera kurdan û Kurdîstanî şerê qedînayîşî kena, verê rijîyayîşî de ya. Dewleta tirke bi barbarî û bêexlaqî hêriş kena. Seba ke şarê kurdî û PKKyî biqedîna metodanê şerê taybetî û teknîkî ana ca.

Hetêkî ra vera komelî bi her hawayî hêriş yeno kerdene, hetê bînî ra zî ciwanî ver bi fuhuş û kondoxî yenê tandayene. Dewlete bi nê karakterê xo yê tacîz û tecawuzî hêrişê erjanê Kurdîstanî û şarê kurdan kena.

Ewro koyanê azadan ê Kurdîstanî de vera gerîlayan şerê emperyalîstan yeno kerdene. Nê şerî de îşxalkerî verê têkoşînê gerîlayan ê bi ruhê Apogîrî neçare mendî. Werxelê de û xeylêk cayan de dişmen neçare mend ke biremo.

Ma zî sey ciwananê kurdan tesîrê nê şerê destanwarî û çêrî de mendî û tewrê gerîlayan bîyî. Çunke no şer şerê serkewtişî yo. Ma do qesasê tecrîdê vera Rayberîye, hêrişanê vera şarê ma bigêrê. Çunke têkoşînê gerîlayan tek rayîrê caardişê azadîya Kurdîstanî yo. Nê esasî ser o ma do bi şîarê 'Werin Cenga Azadiyê' de vera hêrişanê dwleta tirke ya faşîste vera emperyalîzm û hemkaranê înan bi ziwanê înan cewab bidê. Ma do qesasê her parçeyê îşxalkerdeyî yê Kurdîstanî bigêrê. Çunke PKK têgêrayîşêkê qesasî yo.

Na serra 44. ya PKKyî de ke sey roja yewine ruhê xo yê ciwanîya Apogîre her ke şino pîl kenê û serkewtişê tacîdarî kenê, ganî temamîyan ciwanê kurdî û ciwanê pêro şaran zî vera faşîzmî nê şerê serkewtişî de cayê xo bigêrê. Ma venga pêro ciwananê Kurdîstanî danê ke cayê pêro ciwanan cepheyê gerîlayan o. Ma venga pêro ciwanan danê ke bêrê nê têkoşînê serkewtişî û rûmetênî de cayê xo bigêrê. Ma pêro ciwanan rê vanê ke Werin Cenga Azadiyê.''