Qezaya Cizîre ya Şirnexî de çend şino vîrusê Korona vila beno. 200yî ra zafêr keyeyê binê karantîna de yê. Seba ke nêweşxane de ca nêmed xeylêk nêweşî ameyî berdene Silopî û Hezex.

Goreyê zanayîşanê ke ameyî girewtene personelê nêweşxaneyî zî kêm o. Têna hemşîrayêke ewnîyena nêweşan ra û nêweşî û merdimê înanê refakatçîyî korîdoran de têhet de manenê. Reyna seba ke 4 xebatkaranê ci de jan ame tesbîtkerdene PTTyo ke roje de bi seyan kesî şine ci, ame qefilnayene.

Serhekîmê Nêweşxaneyê Dewlete yê Cizîre ke ajansê Mezopotamya xo resna ci vatişê nêweşî û merdimê înan pîya manenê red kerd û derheqê hûmara hemşîrayan û nêweşan de zanîyîş nêda.

Reyna Amedo ke 20 rojanê peyênan de hûmara nêweşan zêdîyaye de roje de nizdê 100 kesan de nêweşîye yena tesbîtkerdene.

Riha de zî 30 cayanê pabesteyê 7 qezayan de karantîna esta.

Çewlîg de zî di dewî binê karnatîna de yê û  nêweşîye vila bena.