Goristanê Asrî yê qezaya Cizîre ya Şirnexî de vera 6 goranê gerîlayanê HPG û YJA Starî yê ke tarîxanê cîya cîyayayan de şehîd bîyî û êyê ke hêrişê qirkerdişî yê 2015î de şehîd bîyî hêriş ame kerdene.Keyeyan vizêr gama ke şîyî goran ser ferq kerd ke hêriş ameyo kerdene. Kereyê goran ameyî şiknayene û qismêkê înan ameyî kendene. 

Dayîka Osman Cagliyî ke 2015î de Cizîre de ame qetilkerdene Hamşî Cagli vera hêrişî hersê xo ard ziwan û vat: ''Ma vizêr şîyî goranê domananê xo ser û dî ke ameyî weşanayene. Senî wina hêrişê merdeyan kenê? Şima kiştî hem zî yenê hêrişê goranê înan kenê. Merdim senî merdeyî rê wina keno?  No ma rê heqaret o. Dayîka Mehmet Emîn Leventî yo ke o zî Cizîre de ame qetilkerdene Şemsîye Levent zî vat:''  Zerrîya ma vêşaye, mela zerrîya înan zî bivêşo. Nê misliman nîyî. Heq û huqûq nêmendî.  Pê mergî qîm nêkenê, hêrşê goran kenê. Gor çi zirar dano şima? Ê çend şiknenê wa bişikinê, ma do newe ra virazê.''