Colemêrg de amadekarîyê Newroze dewam kenê. Endamê Komîteya Amadekarîye ya Newroze ya Colemêrgî Kadîr Şahînî pare kerd ke ê 20ê adare de Colemêrg, Gever, Şemzînan û 21ê adare de zî Çelê dew Newroze bi şîarê ''Wext wextê serkewtişî yo'' fîraz bikerê.

Şahînî da zanayene ke ê wazenê meydanan de şarî reyde, bi adirê pîlî û bicoşî Newroze fîraz bikerê. Şahînî vat: ''Nika ra ma venga şarê xo danê ke dormeyê adirê Newroze de kom bibê, ma bi hêrsî serewedaritişê xo geş bikerê, waştişê xo yê azadîye meydananê Newroze de bîyarê ziwan.''

Endamê Komîteya Amadekarîye Emîn Sariyî zî îfade kerd ke ê do 21ê adare de Gever de Newroze fîraz bikerê û venga şarî da ke tewrê Newroze bibo.