Qezaya Mexmûrî ya Musilî de DAÎŞî nêzdîyê dewa Nazikendî de vera pêşmergeyan dafike naye ro. Netîceya dafike de mabênê pêşmergeyan û cerganê DAÎŞî de pêkewtiş qewimîya. Pêkewtiş de 7 pêşmergeyan dinyaya xo bedilnaye. 

Şan DAÎŞî dewa Hadircice ya Mexmûrî de zî hêrişê sivîlan kerd. Netîceya hêrişî de 3 birayan dinyaya xo bedilnaye û 4 kesî zî birîndar bîyê ke nînan ra 2 kesî pêşmerge yê. 

Wextê peyênî de Başûrê Kurdîstanî de hêriş û têgêrayîşê DAÎŞî zêdîyayî. 27 û 29ê teşrîna peyêne de zî hêrişanê DAÎŞî de pêşmergeyan dinyaya xo bedilnabî.