Derheqê Wekîla HDPyî ya Amedî Remzîye Tosun de bi bahaneya ke veyveyo ke a şîye ci de muzîkê 'rêxistine' ameyo cinitene fezleke ame amadekerdene.

Tosune 2019 de Hêni de tewra veyveyêkî bibî. Dima ke ame îxbarkerdene Fermandarîya Cendirmeyan a Hêni muzîsyen destbend kerd. Muzîsyenî wina îfade dayo ke ey tedaya Remzîye Tosun û heyetê ci ra sebeb ê deyîrî vatî.

Serdozgerîya Komare ya Amedî tehqîqatî ra dima derheqê Tosune û heyetî de îdîaname amade kerd. Îdîaname de yeno vatene ke deyîrê ke veyve de ameyê vatene deyîrê rêxistine yê û Tosune bi nê hawayî propagandaya rêxistine kerda.  

Tosune derheqê babete de qisey kerd û ard ziwan ke dewlete her têgêrayîşê HDPyî sey sûcî mojnena. Tosune vat: ''Înan rê her çi serbest o la ma rê her çi qedexe yo. Şarê ma zaneno ke ê hê se kenê. Ma do vera nê kerdişan sereyê xo mearê war.''