Dêrsim de vînbîyayîşê Gulîstane Doku, îdîayanê ke 3 çawişanê pisporan cinîyêke rê tecawuz kerd û Pêrtag de 15 domanî maruzê îstîsmarî bîyî, ra dima nêrazîbîyayîşê şarî zêdîyayî. Walîtîya Dêrsimî seba ke verê nêrazîbîyayîşanê şarî bigêra 165 rojan ra nata her 15 rojan de yew qedexeyê çalakî û aktîvîteyan îlan kena.

Qedexeyî ra sendîka, komele û partîyê sîyasîyî ûsn. têna eşkenê Kuçeyê Hunerî de eşkerayîye bidê. Nê eşkerayîyan de zî bi bahaneya pandemî hemwelatîyan rê cezaya pereyî dîyena. Heta nika çalakîkeranê Çimeyanê Munzurî, çalakîkeranê zîncîrê merdiman û çalakîkeranê tehqîqatê

Hemsereka HDPyî ya Dêrsimî Nurşate Yeşîl û Hemşaredarê Pêrî yê Dêrsimî Orhan Çelebîyo ke herinda ci de qeyûm ame tayînkerdene derheqê qedexeyan de qisey kerd.

Nurşate Yeşîl îfade kerd ke seba ke çalakîyê înan ê vera tacîz, tecawuz, îstîsmarê domanan û texrîbatê xoza bêrê astengkerdene nê qedexeyî 6 mengan ra nata dewam kenê û vat: ''Aktîvîteyê qeymaqamî û walîtîye serbest ê la ê ma qedexe yê. Sîstem eke pê rewşêke qayîl nêbo ceza dano ma. La ma rixmê nê qedexeyan zî têkoşînî ra fek vera nêda. Ma do reyna kuçeyan de bibê.''

Hemşaredarê Pêrî yê Dêrsimî Orhan Çelebîyî zî vat: ''Walîtîye nê qedexeyî kerdî kurm. Yew îzahê na rewşe çin a. Bi nê hawayî komel binê teda de vera dîyeno û faalîyetê sîyasîyî asteng benê. Bi cezaya pereyan û tehqîqatan ê kenê ke verê waştişanê demokratîkan bigêrê. Çira Îzmîr, Bursa û Dîlok de walîtîyî nê qedexeyan nêanê ca? Uca de zêdêr kesî Korona ra merdî. Ganî nê qedexeyî cade bêrê wedaritene.''