Semedê şayîya Newroze ya ke emser bi şîarê 'Wext wextê serkewtişî yo' yena fîrazkerdene Dêrsim de destûr ame dayene.

Şayîya Dêrsimî Ewro do Meydanê Seyîd Rizayî de saete 12.00 de  bêro fîrazkerdene. Komîteya Amadekarîye de zanayene ke walîtîye muracatê înan qebûl kerdo. Wekîla HDPyî Gulîstane Kiliç Koçyigit, Alîcan Onlu, Hemserekê EMEPî Ercument Akdenîz û Şaredarê Dêrsimî Fatih Mehmet Maçoglu do tewrê şayîye bibê. Hunermendî Alî Baran û Derya Cengîz zî do pê deyîranê xo rengê bidê şayîye.