Dêrsim de Meclîsê Cinîyan ê HDPyî pê kombîyayîşêkê çapamenîye startê 8ê Adare Roja Cinîyan ê Kedkaran a Dinya da. Kombîyayîş bînaya HDPyî de ame kerdene û bîna de pankarta 'Serewedaritişê ma seba azadîya ma yo' ameye dardekerdene.

Hemsereka HDPyî ya Dêrsimî Nurşate Yeşîl kombîyayîş de qisey kerd û da zanayene ke cinîyî do qetî heq û cuya xo ra fek vera nêdê. Yeşîle vat: ''8ê Adare de pêro cinîyî waştişanê xo biqîrê. Serewedaritişê ma yê vera şîdetê camêrdan, binpaykerdişanê heqan, remnayîş û vînîkerdiş, qirkerdişê cinîyan, tacîz û tecawuzan, şîdetê serê cinîyan  azadîya ma ya. Ma seba cinîyan vanê edalet. Ma do vera şîdetê camêrdan pîya edalet bêro caardene. 8ê Adare de ma meydanan de pabeyê pêro cinîyan ê.''

Eşkerayîye ra dima startê 8ê Adare ame dayene. 

Şirnex û qezayanê ci de zî rayberîya Têgêrayîşê Cinîyan ê Azadan (TJA) û Meclîsê Cinîyan ê HDPyî de çarçewa aktîvîteyanê 8ê Adare de  tepişteyan ê cinîyan ê Silopî û Cizîre rê kartî erşawîyayî.