Dêrsim de 12ê sibata 2021î de polîsan hemwelatîyê bi nameyê Kamer Demîrî rê zext kerd ke wa ajanîye bikero.  Seba ke zextê polîsan dewam kerd Demîrî reya diyîne muracatê Komeleya Heqanê Merdiman (ÎHD) kerd û paştdayîşo huqûqî waşt.

Banê îHDyî de derheqê babete de eşkerayîye ameye dayene. Demîr û îdarekarê HDP, DAD û ÎHDyî tewrê eşkerayîye bîyî. Îdarekarê ÎHDyî Agît Aralî vist vîrî ke kesanê ke xo sey polîsan mojnayî Demîrî zext kerd ke ajanîye bikero û vat nê zextî sey zextê psikolojîkî nizdê yew serrî yo dewam kenê. Demîrî zî ard ziwan ke o tim hetê polîsan ra yeno teqîpkerdene, raştê zextê polîsan yeno û vat rîyê nê qewimîyayîşan ra prblemê ci yê weşîye vejîyayî.  ÎHDyî vat ê  do vera zextanê polîsan pêhesnayîşê sûcî bikerê.