Serekê Cemxaneyê Duzgun Babayî Sînan Kirmizi Çîçek seba ke tewrê aktîvîte û çalakîyan bîyo, bi sûcarîya “endamîya rêxistene” cezaya 7 serran û 6 mengan ke dîyayebî ci û na ceza hetê  Mehkemeya Berze ra ameye tesdîqkerdene. Dezgehanê elewîyan Cemxaneyê Duzgun Babayî ê Dêrsim  de bi eşkerayîye vera nê nêrazîbîyayîş mojna ra.

Eşkerayîye de pankartê Eke ferman ê Yezîd o Meydan ê Huseyînan o ame akerdene û vera ceza nêrazîbîyayîş ame ramojnayene. Qiseykerdişan ame vatene ke bi nê yeno waştene ke komelê elewîyan bêro tersnayene ke elewîyî çirey verê zextan de mile xo çewt nêkenê û semedê xurtkerdişê têkoşînî ame vengdayene. 

Hemvervatoxa Komîsyonê Bawerîyan û Şaran ê DEM Partî Yuksele Mutlu zî vat: “Hukmatê AKPyî wextê îqtîdarê xo yê 22 serran polîtîkaya xo qirkerdişî ya vera elewîyan rayra berde. Ma zî do vera naye têkoşînê xo bidomnê. Komelê elewîyan wextê Osmanîyan ra xo ver dano, no têkoşîn do dewam bikero.”