Vakurê Kurdîstanî de varayîşê vewre û varanî bi giranî dewam keno.

Dêrsim de varayîşê vewre ra dima rayîrê 84 dewan û Çewlîg de zî rayîrê 130 dewan qefilîyayî. Çewlîg de rayîrê serê Çewlîg-Amedî de xeylêk wesayîtî rayîrî ra mendî, nêeşkenê bileqê. Vewre ra rayîran cemed zî girewt.

Ekîpê rayîran û hemwelatîyî xîret kenê ke rayîran abikerê. Selahîyetdaran hişyar kerd ke wa ramitoxî goreyê nîşaneyanê trafîkî têbigêrê, lastîkanê xo yê zimistanî bişuxilnê û zîncîran pakerê tekelanê wesayîtan.